文：Fox Lo（FES大專部同工）

耶和華對亞伯蘭說：「你要離開本地、本族、父家，往我所要指示你的地去。我必使你成為大國，我必賜福給你，使你的名為大；你要使別人得福。為你祝福的，我必賜福給他；詛咒你的，我必咒詛他。地上的萬族都必因你得福。」亞伯蘭遵照耶和華的吩咐去了；羅得也和他同去。亞伯蘭離開哈蘭的時候年七十五歲。（創十二1~4）

我哋升大專，又上莊，又學呢樣嗰樣，為嘅係乜呢？唔多唔少都係為咗成長。

但係點解有時我哋搞咁多嘢，到頭來都好似係唔得掂敢唔太得？

自己又好似冇乜成長，重反而心靈疲累，傷痕累累，或者生命仍停滯不前……

我哋爭啲乜呢？

我諗到嘅其中一個原因係：我哋想成長，但係其實又害怕打開自己、害怕改變。

用今日呢段經文做例子，亞伯拉罕領受嘅祝福，第一樣神要佢做嘅就係：離開佢極之熟悉嘅地方，去一個佢完全陌生嘅地方定居！

咁做法意味住：佢要擺低佢過往安全感嘅來源，離開自己嘅安舒區，進入陌生嘅環境，赤裸咁樣面對一個容易受傷嘅自己！喺呢種狀態下，佢更加見到真實嘅自己！更加見到真實嘅上帝！當然亦同時見到佢身邊更加真實嘅同伴！

唔知大家冇諗過：如果亞伯拉罕唔理神同佢講嘅嘢，留返喺本地本族同父家，會係咩情況呢？可能都會過得好豐足，生活好安舒，有兒有女，享受人生，安享晚年。但係你覺得，佢嘅人生又有冇你宜家見到既咁精彩呢？

你想唔想好似亞伯拉罕咁，得著咁正嘅祝福呢？ 不如呢一刻你就諗一諗，又同神傾一傾~

(經文引自《和合本修訂版》，版權屬香港聖經公會所有，蒙允准使用。」)